Ռուսաստանը մերժել է Սերբիայի առաջարկը գնել «НIS»-ի ռուսական բաժինը

Ռուսաստանը հրաժարվել է վաճառել իր բաժնեմասը Սերբիայի «Նավթային արդյունաբերություն Սերբիայի» (NIS) ընկերությունում։ Այս մասին հայտնել է SeeNews-ը՝ հղում անելով սերբական Vecernje Novosti թերթին։

Ըստ աղբյուրի՝ Սերբիայի նախագահ Ալեքսանդր Վուչիչը հանդիպման ժամանակ՝ «Գազպրոմ նեֆտ»-ի ղեկավար Ալեքսանդր Դյուկովի և Ռուսաստանի էներգետիկայի փոխնախարար Պավել Սորոկինի հետ, առաջարկել է, որ Բելգրադը ժամանակավորապես գնի ռուսական բաժնեմասը՝ խոստանալով հետագայում վերադարձնել այն Մոսկվային։ Սակայն ռուսական կողմը մերժել է այդ տարբերակը՝ նշելով, որ նախընտրում է, որ հնարավոր գնորդ լինի երրորդ կողմ, այդ թվում՝ նույնիսկ ԱՄՆ-ը։

Վուչիչը հետագայում նշել է, որ բանակցությունները ռուսական կողմի հետ եղել են «կառուցողական և բաց», սակայն ընդունել է, որ էներգետիկ ոլորտում իրավիճակը շարունակում է մնալ բարդ։ Ավելի վաղ նա հայտնել էր նաև իր դժգոհությունը՝ ռուսական գազի մատակարարման պայմանագրի կարճաժամկետ լինելու վերաբերյալ, որը կգործի միայն մինչև 2025 թվականի վերջը՝ չնայած Սերբիայի ակնկալիքներին երկարաձգել այն մինչև 2026 թվականի մայիս։