Արևմուտքում հայտարարեցին՝ ՆԱՏՕ-ի միասնության միֆը փլուզվել է Ռուսաստանի հետ հակամարտության վտանգի պատճառով
Համաշխարհային Մամուլ
ԱՄՆ բանակի նախկին գնդապետ, Պենտագոնի ղեկավարի նախկին խորհրդական Դուգլաս Մակգրեգորը հայտարարել է, որ ՆԱՏՕ-ի միասնության գաղափարը փլուզվել է՝ Ռուսաստանի հետ լայնամասշտաբ բախման սպառնալիքի ֆոնին։ Այս մասին նա ասել է Deep Dive YouTube ալիքի եթերում։
«ՆԱՏՕ-ն միաբան չէ Ռուսաստանի դեմ պատերազմի հարցում։ Միասնության մասին միֆը քանդվում է ճնշման տակ», — ընդգծել է Մակգրեգորը։ Նրա խոսքով՝ մի շարք եվրոպական երկրներ, այդ թվում Հունգարիան, Սլովակիան և Չեխիան, արդեն բացահայտ հայտարարել են, որ չեն ցանկանում ներքաշվել նման պատերազմի մեջ։
Նա նաև նշել է, որ նույնիսկ ուժեղ բանակ ունեցող Լեհաստանը չի ցանկանա վտանգել իր արագ զարգացող տնտեսությունը, իսկ Ֆրանսիան, Գերմանիան և Մեծ Բրիտանիան զբաղված են ներքին խնդիրներով և չեն պատրաստվում ռազմական հակամարտության գնալ Մոսկվայի հետ։ Ավելի վաղ Բրիտանիայի պաշտպանության նախարար Ջոն Հիլին հայտարարել էր, որ ՆԱՏՕ-ն «իր ողջ ուժով» կպատասխանի Ռուսաստանի ցանկացած սպառնալիքի՝ եվրոպական օդային տարածքի խախտման դեպքում։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
