Պակիստանն ու «Թալիբան»-ը ժամանակավոր հրադադար են հաստատել․ Reuters

Պակիստանն ու «Թալիբան» արմատական իսլամական շարժման աֆղանական վարչակազմը պայմանավորվել են 48 ժամով ժամանակավոր հրադադարի մասին: Այս մասին հայտնում է Reuters-ը՝ վկայակոչելով Իսլամաբադի արտաքին գործերի նախարարությանը։

Հրադադարն ուժի մեջ է մտել հոկտեմբերի 15-ին՝ տեղական ժամանակով ժամը 18:00-ին (Երևանի ժամանակով՝ 17:00-ին):

Արտաքին քաղաքական գերատեսչության հայտարարության մեջ հստակեցվում է, որ կողմերը ջանքեր կգործադրեն «այդ բարդ, բայց լուծելի խնդրի» լուծում գտնելու համար: