Որ երկրի ներկայացուցիչը կգլխավորի Գազայի վերականգնման աշխատանքները․ ABC News

ԱՄՆ-ի ղեկավարությամբ Գազայի հատվածի վերականգնման վերահսկողության հրամանատարական կենտրոնը կսկսի գործել առաջիկա օրերին, հայտնում է ABC News-ը՝ վկայակոչելով ամերիկյան երկու պաշտոնական աղբյուրներ:

Ինչպես ճշտել են զրուցակիցները, նախապես սպասվում է, որ հրամանատարական կենտրոնը կգլխավորի ԱՄՆ երեքաստղանի գեներալը, որի անունը հրապարակայնորեն չի բացահայտվում: Բացի այդ, հրամանատարը կունենա օտարերկրացի տեղակալ։

Կենտրոնը գտնվում է Իսրայելի տարածքում՝ Գազայից հյուսիս-արևելք, մի վայրում, որը նույնպես չի բացահայտվում հանրությանը: Նշվում է, որ կենտրոնը չի տեղակայվի իսրայելական ռազմաբազայում, որպեսզի այն հասանելի լինի Գազայի վերականգնմանը մասնակցող այլ երկրների պաշտոնյաների համար: