ՆԱՏՕ-ն ընդլայնվում է ԱՊՀ տարածքում․ Բորտնիկով

ՆԱՏՕ-ի ընդլայնումը փաստացի շարունակվում է ԱՊՀ տարածքում՝ բանակների արդիականացման հարցում օգնության անվան տակ։ Այս մասին հայտարարել է Ռուսաստանի Անվտանգության դաշնային ծառայության տնօրեն Ալեքսանդր Բորտնիկովը Սամարղանդում ԱՊՀ անվտանգության մարմինների ղեկավարների խորհրդի նիստում։ Նրա խոսքերն է մեջբերում RIA Novosti-ն։

«ՆԱՏՕ-ի ընդլայնման կուրսը, որի անմիջական հետևանքը դարձավ ուկրաինական ճգնաժամը, սառեցված չէ։ Եվ շարունակվում է հետխորհրդային տարածքի մյուս պետությունների նկատմամբ բանակի և ռազմական ենթակառուցվածքի արդիականացման, հատուկ ծառայությունների և իրավապահ մարմինների տեխնիկական հագեցվածության, մասնագետների պատրաստման հարցում օգնության տարբեր նախագծերի անվան տակ», - նշել է գերատեսչության ղեկավարը։

Նրա խոսքով՝ ԱՊՀ պետությունների անվտանգության և կայունության սպառնալիքները համալիր բնույթ են կրում և նպատակասլացորեն թեժանում են դրսից: