Եվրոպայում մտահոգված են Զելենսկի-Թրամփ հանդիպման հետևանքներով. WP
Աշխարհ
Եվրոպացի պաշտոնյաները մտահոգված են, որ ԱՄՆ նախագահ Դոնալդ Թրամփը կարող է կրկին փոխել իր դիրքորոշումը Ուկրաինայի հարցում՝ ուրբաթ օրը Սպիտակ տանը Ուկրաինայի առաջնորդ Վոլոդիմիր Զելենսկու հետ հանդիպումից հետո, հաղորդում է The Washington Post-ը:
Պարբերականը, հղում անելով եվրոպացի դիվանագետներին, նշում է, որ Թրամփի վարչակազմի քաղաքականության «շրջադարձը» Ուկրաինայի նկատմամբ արդեն մի քանի ամիս է, ինչ հասունանում է: Միևնույն ժամանակ, դիվանագետները զգուշավոր են՝ «չհենվել նախագահի որոշման վրա, ով նախկինում փոխել է իր դիրքորոշումը այս հակամարտության հարցում»:
Հոդվածի համաձայն՝ Թրամփի վարչակազմը մեծացնում է ճնշումը Ռուսաստանի վրա՝ նրան բանակցային սեղանի շուրջ բերելու համար: The Washington Post-ը, հղում անելով Սպիտակ տան աղբյուրին, նշում է, որ ԱՄՆ նախագահի աջակցությունը Ուկրաինայի՝ իր տարածքները վերադարձնելու նկրտումներին ցույց է տալիս Թրամփի ակնհայտ զայրույթը Մոսկվայի նկատմամբ:
ՈՒՂԻՂ ԵԹԵՐ
Ամենադիտված 
Թուրքիան չի բացառում, որ Վրաստանում կործանված ռազմական ինքնաթիռը կարող էր խոցված լինել 
