Չինաստանի ԱԳՆ-ն հայտարարել է՝ միջոցներ կձեռնարկի, եթե Թրամփի սպառնալիքները վնասեն երկրի շահերին

Չինաստանը վճռական պատասխան միջոցներ կձեռնարկի, եթե ԱՄՆ նախագահ Դոնալդ Թրամփի սպառնալիքները վնասեն Չինաստանի օրինական իրավունքներին և շահերին։ Այս մասին հայտարարել է Չինաստանի Հանրապետության արտաքին գործերի նախարարությունը, գրում է ՌԻԱ Նովոստին։

«Չինական կողմը, անշուշտ, վճռական պատասխան միջոցներ կձեռնարկի իր ինքնիշխանությունը, անվտանգությունը և զարգացման շահերը վճռականորեն պաշտպանելու համար», - ասել է Չինաստանի արտաքին գործերի նախարարության խոսնակ Լին Ցզյանը։

Ավելի վաղ Դոնալդ Թրամփը հայտարարել էր, որ Հնդկաստանի վարչապետ Նարենդրա Մոդին պատրաստակամություն է հայտնել դադարեցնել ռուսական նավթի գնումները։ Թրամփը հավելել է, որ այժմ պետք է ապահովի, որ Չինաստանը նույնը անի։