Հայաստանն ավարտել է Օվիեդոյի կոնվենցիայի վավերացման գործընթացը
Հայաստան
Հայաստանը դարձել է 30-րդ պետությունը, որն ավարտել է Եվրոպայի խորհրդի «Մարդու իրավունքների և կենսաբժշկության մասին» կոնվենցիայի (Օվիեդոյի կոնվենցիա) վավերացման գործընթացը: ՄԻԵԴ-ից Panorama.am-ին հայտնեցին, որ կոնվենցիան Հայաստանի համար ուժի մեջ կմտնի 2026 թվականի փետրվարի 1-ին։
2025 թվականի հոկտեմբերի 15-ին Ստրասբուրգում, Հայաստանի մշտական ներկայացուցիչ, դեսպան Արմեն Պապիկյանը, Եվրոպայի խորհրդի գլխավոր քարտուղարի տեղակալ Բյորն Բերգեի ներկայությամբ, ի պահ է հանձնել «Մարդու իրավունքների և կենսաբժշկության մասին» կոնվենցիայի վավերացման փաստաթուղթը՝ «Կենսաբանության և բժշկության կիրառման վերաբերյալ մարդու իրավունքների և արժանապատվության պաշտպանության մասին» կոնվենցիան. «Մարդու իրավունքների և կենսաբժշկության մասին» կոնվենցիա:
Կոնվենցիան առաջին իրավաբանորեն պարտավորեցնող միջազգային տեքստն է, որը նախատեսված է մարդու արժանապատվությունը, իրավունքներն ու ազատությունները պահպանելու համար՝ կենսաբանական և բժշկական առաջընթացների չարաշահման դեմ մի շարք սկզբունքների և արգելքների միջոցով:
Կոնվենցիայի ելակետն այն է, որ մարդկանց շահերը պետք է գերակշռեն գիտության կամ հասարակության շահերին:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
