Թրամփը կարող է կիրառել «Խռովության ակտը». ինչ է այն և ինչ սահմանափակումներ ունի

ԱՄՆ նախագահ Դոնալդ Թրամփը քննարկում է «Խռովության ակտի» (Insurrection Act) կիրառումը՝ ներսում զինված ուժեր ներգրավելու նպատակով՝ առանց Կոնգրեսի թույլտվության։ Օրենքը, ընդունված դեռ 1807 թվականին, նախագահին թույլ է տալիս օգտագործել դաշնային բանակը երկրի ներսում՝ ապստամբություն ճնշելու կամ քաղաքացիական օրենքը վերականգնելու համար։ Այն ժամանակավորապես կասեցնում է մեկ այլ օրենք՝ «Posse Comitatus Act», որն արգելում է բանակին օգտագործել որպես ներքին ոստիկանություն։ Վերջին անգամ այս ակտը կիրառվել է 1992թ․ Լոս Անջելեսի անկարգությունների ժամանակ։

Իրավաբանները նշում են, որ «Խռովության ակտը» նախագահին տալիս է լայն, բայց ոչ անսահմանափակ լիազորություններ։ Թրամփի վարչակազմի ներկայացուցիչները պնդում են, որ նախագահի «լիազորությունները» (plenary authority) ներառում են Ազգային գվարդիայի դաշնայնացումը՝ հասարակական կարգը վերականգնելու համար։ Սակայն դատարաններն արդեն երկու անգամ արգելել են նրա փորձերը՝ ուղարկել գվարդիային Պորտլենդ և Չիկագո քաղաքներ՝ քաղաքացիական ցույցերի ժամանակ։

Իրավաբանները զգուշացնում են, որ նման քայլերը կարող են վտանգավոր նախադեպ ստեղծել։ Թեև նախագահը կարող է որոշ դեպքերում բանակը օգտագործել արտակարգ իրավիճակներում, Սահմանադրությունը սահմանափակում է նրա իշխանությունը՝ ապահովելու համար իշխանության երեք ճյուղերի հավասարակշռությունը։ «Խռովության ակտի» կիրառումը առանց չափազանցված սպառնալիքի կարող է դիտվել որպես իշխանության չարաշահում՝ վտանգելով երկրի ներսում ժողովրդավարական կառույցները, հայտնում է Al-Jazeera-ն։