Գնահատվել են ԱՄՆ-ում Tomahawk հրթիռների պաշարները

ԱՄՆ-ն Tomahawk հրթիռների մեծ պաշարներ ունի, քանի որ դրանք արտադրվում են 70-ականներից, բայց Ուկրաինան ի սկզբանե կստանա դրանց փոքր քանակությունը, եթե Ամերիկան, այնուամենայնիվ, որոշի զենք փոխանցել։ Նման կարծիք է հայտնել ռազմական փորձագետ Ալեքսեյ Ժիվովը, փոխանցում է Lenta-ն: 

«Հասկանալի է, որ միանգամից նրանց շատ բան չեն տա։ Նախորդ տարիներին կուտակվել են մեծ թվով պաշարներ։ Այս հրթիռները արտադրվում են 70-ականներից, ուստի կան հին Tomahawk-ներ, դրանք ևս շատ են և կարող են արդիականացվել: ԱՄՆ-ն լի է Tomahawk հրթիռներով, ուստի՝ դրանց քիչ առկայության մասին շրջանառվող լուրերը խաբեություն են: Դա առանցքային միավոր է, որը տասնյակ տարիներ արդեն արտադրվում է», - հայտնել է ռազմական փորձագետը։

Նրա խոսքով՝ Tomahawk-ը ազդեցություն չի ունենա ռազմաճակատում ռուսական զորքերի տեղաշարժի վրա։ «Գուցե խոսքը գնա տասնյակ հրթիռների մասին՝ երկու-երեք տասնյակ։ Եթե նրանք, այնուամենայնիվ, որոշեն տրամադրել», - նշել է փորձագետը։