Հրապարակվել են Զելենսկու ԱՄՆ կատարելիք այցի մանրամասները

Ուկրաինայի նախագահ Վոլոդիմիր Զելենսկին ԱՄՆ կատարելիք առաջիկա այցի ընթացքում փակ դռների հետևում հանդիպումներ կանցկացնի պաշտպանության և էներգետիկայի ոլորտի կորպորացիաների հետ և ելույթ կունենա ԱՄՆ Կոնգրեսում, հաղորդում է ուկրաինական Общественное հեռուստաալիքը։

Ըստ հեռուստաալիքի՝ Զելենսկին իր այցը կսկսի մի քանի հանդիպումներով, որոնք կարող են որոշել Վաշինգտոնի և Կիևի միջև պաշտպանության և էներգետիկայի ոլորտում համագործակցության ապագա ընթացքը։

Ըստ ուղևորության նախապատրաստական ​​աշխատանքներին ծանոթ աղբյուրների՝ այցի ծրագիրը նախատեսված է նախագահ Դոնալդ Թրամփի հետ բանակցություններից առաջ ժամանակը առավելագույնի հասցնելու համար։

Երկու առաջնորդների միջև հանդիպումը կլինի «այցի գագաթնակետը», քանի որ Ուկրաինան այն դիտարկում է՝ որպես քաղաքական երաշխիքներ ամրապնդելու և պաշտպանական համաձայնագրեր կնքելու հնարավորություն, որոնք կարող են կրճատել հակամարտությունը։