Ռուսաստանում iPhone 17 Pro Max-ի գինը կտրուկ նվազել է՝ հասնելով 130 հազար ռուբլու
Ռուսաստան
Ռուսական շուկայում զգալիորեն է նվազել Apple iPhone 17 Pro Max մոդելի գինը, հայտնում է Hi-Tech Mail.ru-ն։ Սեպտեմբերին, վաճառքի մեկնարկին, սմարթֆոնը արժեր շուրջ 180 հազար ռուբլի, իսկ այժմ դրա արժեքը նվազել է մինչև 130 հազար ռուբլի, ինչը կազմում է մոտ 27 տոկոս անկում։
Փորձագետների խոսքով՝ գների նվազումը պայմանավորված է այն հանգամանքով, որ մի շարք մանր առևտրային խանութներ սարքերը Ռուսաստանում վաճառում են փոքր խմբաքանակներով և օգտվում են թեթևացված հարկային համակարգից։ Նման պայմաններում նրանք կարողանում են առաջարկել ապրանքը շուկայից ցածր գնով։
iPhone 17 Pro Max-ը ունի ալյումինե միակտոր մարմին, 6.9-դյույմանոց LTPO Super Retina XDR OLED էկրան՝ 120 Հց թարմացման արագությամբ, Apple A19 Pro պրոցեսոր, 12 ԳԲ օպերատիվ հիշողություն և եռակի 48 ՄՊ տեսախցիկ։ Սմարթֆոնը համալրված է նաև 4823 mAh մարտկոցով և բարձր մակարդակի ջրակայունությամբ։
ՈՒՂԻՂ ԵԹԵՐ
Ամենադիտված 
Թուրքիան չի բացառում, որ Վրաստանում կործանված ռազմական ինքնաթիռը կարող էր խոցված լինել 
