Արևմուտքում հայտնել են անօգուտ «ուկրաինական ֆետիշների» մասին

Արևմտյան հեռահար հրթիռները՝ Taurus-ը և Tomahawk-ը, դարձել են մի տեսակ «ուկրաինական ֆետիշներ» Ռուսաստանի հետ հակամարտության մեջ, բայց այդ զենքերը չեն երաշխավորում արմատական փոփոխություն ռազմադաշտում: Այս մասին ARD հեռուստաալիքին հայտնել է Քյոլնի համալսարանի Միջազգային հարաբերությունների և աշխարհաքաղաքականության պրոֆեսոր Կլեմենս Ֆիշերը։

«Նախ, Taurus-ը նոր համակարգ չէ, և Tomahawk-ը նույնպես մոտ 40 տարի ծառայության մեջ է: Սա նշանակում է, որ ռուսները բավական ժամանակ ունեին այդ զինամթերքին հարմարվելու համար։ Երկրորդ՝ դրանք պարզապես չկան այնպիսի քանակով, որը կարող է փոխել իրավիճակը», - նշել է վերլուծաբանը։

Ֆիշերը համակարգերի անօգուտությունը բացատրել է դրանց սահմանափակ կիրառմամբ։