Ռուսաստանում ադրբեջանական սփյուռքի կազմակերպության ղեկավարը դատապարտվել է ազատազրկման

ՌԴ Սմոլենսկի դատարանը ադրբեջանցի գործարար և Սմոլենսկի մարզի Ազգային կոնգրեսի առաջնորդ Ֆաիկ Ալիևին դատապարտել է 4 տարվա ազատազրկման խիստ ռեժիմի բանտում և նշանակել 8,4 միլիոն ռուբլու տուգանք՝ էներգետիկ ընկերություններին կաշառելու համար։

Դատարանի տվյալներով՝ Ալիևը 846,500 ռուբլի է վճարել «Պրեստիժ» ռեստորանային և հյուրանոցային համալիրի էլեկտրաէներգիայի իրական ծախսերը թաքցնելու համար։ Չվճարված էլեկտրաէներգիայի վճարը կազմել է գրեթե մեկ միլիոն ռուբլի։

Պաշտպանությունը մտադիր է բողոքարկել դատավճիռը։