Հասանովը ստուգել է ադրբեջանական բանակի մարտական պատրաստությունը

ԱԻլհամ Ալիևի հանձնարարությամբ, Ադրբեջանի պաշտպանության նախարարը ստուգել է ադրբեջանական բանակի ստորաբաժանումների մարտական ​​պատրաստությունը, հաղորդում են ադրբեջանական ԶԼՄ–ները։

Նախարարության ղեկավարությունը ստուգել է ծառայողական անձնակազմի սոցիալ-կենցաղային պայմանների բարելավման և զորքերի ծառայության կազմակերպման ուղղությամբ կատարված աշխատանքի որակը։

Հաղորդվում է, որ Զաքիր Հասանովը հանձնարարականներ է տվել ձմեռային սեզոնի նախապատրաստման, ստորաբաժանումներում ծառայության և կենցաղային պայմանների բարելավման, զորքերի մարտական ​​պատրաստվածության բարձրացման, զենքի և սարքավորումների սեզոնային պահպանման և անխափան մատակարարման ապահովման վերաբերյալ։ Բարձր գնահատելով անձնակազմի մարտական ​​և բարոյահոգեբանական պատրաստվածությունը, Զաքիր Հասանովը հանդիպել է  ծառայողական անձնակազմի հետ և քննարկել նրանց հետաքրքրող թեմաները։

Այնուհետև ադրբեջանցի նախարարը հանձնարարել է պաշտոնյաներին խստորեն պահպանել կարգապահության և անվտանգության կանոնները, ինչպես նաև մեծ ուշադրություն դարձնել անձնակազմի առողջությանը։