Ռուսաստանի սենատորը՝ Թրամփի «հարձակողական մարտավարության» մասին

Ռուսաստանի Դաշնության խորհրդի միջազգային գործերի կոմիտեի առաջին փոխնախագահ Վլադիմիր Ջաբարովը մեկնաբանել է ԱՄՆ նախագահ Դոնալդ Թրամփի հայտարարությունները՝ նշելով, որ նրա առանձնահատկությունը «նախ հարձակվելն է, հետո՝ նահանջելը»։

Ջաբարովը Telegram-ում գրել է. «Թրամփի ոճն այն է, որ սկզբում «սեղմի», հետո մի փոքր հետ կանգնի։ Դա բիզնեսային հնարք է։ Հավանաբար նա նկատել է, որ իր վերջին “հարձակման” վրա Ռուսաստանը չարձագանքեց, և դա նշանակում է, որ Մոսկվային դա դուր չեկավ»։

Սենատորը նաև ընդգծել է, որ Բուդապեշտը կարող է դառնալ հարմար վայր Պուտին–Թրամփ հանդիպման համար, քանի որ Հունգարիան շահագրգռված է ապահովել անվտանգ միջավայր։ Հիշեցնենք՝ Պուտինն ու Թրամփը հոկտեմբերի 16-ին անցկացրել են երկժամյա հեռախոսազրույց, որի ընթացքում, ըստ Սպիտակ տան, ձեռք է բերվել «զգալի առաջընթաց» և պայմանավորվածություն՝ անցկացնել հանդիպում Բուդապեշտում։