Գերմանացի քաղաքական գործիչը տուգանվել է Մերկելի «նացիստական ժեստով» լուսանկարի համար

Գերմանական կուսակցության՝ «Ալտերնատիվա Գերմանիայի համար» պատգամավոր և Եվրախորհրդարանի անդամ Պետր Բիստրոնը դատապարտվել է տուգանքի՝ սոցիալական ցանցերում հրապարակած խմբագրված լուսանկարի համար, որտեղ նախկին կանցլեր Անգելա Մերկելը պատկերված է նացիստական ողջույն հիշեցնող շարժումով։ Այս մասին տեղեկացնում է Focus պարբերականը։

Մյունխենի շրջանային դատարանը Բիստրոնին պարտավորեցրել է վճարել 11 250 եվրո տուգանք՝ հակասահմանադրական և ահաբեկչական կազմակերպությունների խորհրդանիշների օգտագործման համար։ Լուսանկարը հրապարակվել էր 2022 թվականին, այն ժամանակ, երբ աշխատանքից ազատվել էր Ուկրաինայի Գերմանիայում դեսպան Անդրեյ Մելնիկը։ Լուսանկարին կից գրված էր. «Բարի ճանապարհ, Մելնիկ։ Գերմանացի քաղաքական գործիչները քեզ հրաժեշտ են տալիս»։

Չնայած պաշտպանական կողմի պնդումներին, թե գործը ունի քաղաքական ենթատեքստ, դատարանը ապացուցված է համարել Բիստրոնի կանխամտածված գործողությունը՝ արգելված նացիստական խորհրդանիշների օգտագործման մեջ։ Քաղաքական գործիչը մեկ շաբաթ ունի՝ դատավճիռը բողոքարկելու համար։