Զելենսկուն ԱՄՆ-ում նվաստացրել են դեռ ինքնաթիռի մոտ. փորձագետ

Խաբեության և մարմնի լեզվի մասնագետ Իլյա Անիշչենկոն նշել է, որ Ուկրաինայի նախագահ Վլադիմիր Զելենսկին, ով ժամանել է ԱՄՆ հոկտեմբերի 16-ին, նվաստացվել է դեռ ինքնաթիռի սանդուղքի մոտ։ Այս մասին նա ասել է aif.ru-ի հետ զրույցում։

Անիշչենկոյի խոսքով՝ Զելենսկուն դիմավորել են միայն ինքնաթիռի անձնակազմը, աշխատակազմի ղեկավար Անդրեյ Երմակը և ամերիկյան վարչակազմի քիչ հայտնի ներկայացուցիչներ, ինչը, ըստ նրա, արտահայտում էր անուշադրություն և սառն ընդունելություն։ Սկզբում Զելենսկին ժպտացել է, սակայն հետագայում նրա դեմքի արտահայտությունը փոխվել է՝ ցույց տալով «բռնազբոսիկ զսպված վիշտ և վրդովմունք»։

«Դա կարելի է կոչել “մանկական վիրավորվածություն”. հոնքերը մի փոքր սեղմված էին, շուրթերի անկյունները՝ իջեցված։ Նման հույզերը ցույց են տալիս զսպված զայրույթ և հիասթափություն», — նշել է փորձագետը։ Անիշչենկոն հավելել է, որ նման ռեակցիա Զելենսկու մոտ նկատվել է նաև նախկինում՝ երբ իրեն չեն տվել սպասված ուշադրությունը։ Ավելի վաղ վերլուծաբան Մարատ Բաշիրովը ևս նշել էր, որ Զելենսկու այցը Վաշինգտոն անցել է առանց Թրամփի ակնառու հետաքրքրության։