65 ամյա կնոջը մեղադրում են խոշոր չափերի խարդախության մեջ. ՌԴ

ՌԴ Մերձմոսկովյան շրջանի Պուշկինո քաղաքում 65 ամյա կնոջը մեղադրում են խոշոր չափերի խարդախության մեջ: Բանն այն է, որ նա արդեն 5 տարի է, ներկայանում էր որպես հատուկ նիհարեցնող բիոհավելումների ներմուծող Ռուսաստանում և օնլայն մարքեթինգային տարբերակով գտնում հաճախորդների, ովքեր կարճ ժամանակահատվածում ցանկանում էին գցել 5- 20 կգ քաշ: Կինը լուսանկարներ էր ուղարկում, թե ինչպես է ինքը 96 կգ-ից 2 ամսում վերածվել մոտ 70 կգ քաշ ունեցող գեղեցիկ տիկնոջ:

Իրավապահները, սակայն, բացահայտել են, որ այդ արդյունքին նա հասել է ոչ թե իր առաջարկած բիոհավելումները օգտագործելով, այլ վիրահատական ճանապարհով: 

Կինը ուներ բլոգ, ուներ մեծ քանակով հետևորդներ, և շատ պատահական իրեն վիրահատող բժիշկը տեսել է նրա հերթական գովազդը սեփական ալիքում սոցցանցերում, թե ինչպես է վերջինս <<պայքարում>> ավելորդ կիլոգրամների դեմ: 

Նա կնոջ հավանական խաբեության մասին հայտնել է Դատախազություն, որն էլ սկսել է ստուգումներ անցկացնել, և բացահայտել է դիտավորությամբ մարդկանց դեզինֆորմացնելու և նրանց վրա անօգուտ հաբեր վաճառելու մի ողջ սխեմա: 

Եթե հաշվի առնենք, որ ամեն մի նման բիոհաբի տարան նա իրացրել է 1500 ռուբլով, իսկ գործունեության ծավալման օրվանից վաճառել է մոտ 5000 տարա, կարող ենք պատկերացնել, ինչ գումարների մասին է խոսքը: 

Իրավապահները նշում են, որ տուփիկներում եղել է պլացեբո՝ տրամադրություն բարձրացնող, առույգացնող վիտամիններ, որոնք մարդու քաշի վրա ընդհանրապես չեն ազդում: