ՀԱՄԱՍ-ը չի երաշխավորել զինաթափումը․ Reuters
Մերձավոր Արևելք
ՀԱՄԱՍ խմբավորումը չի կարող երաշխավորել զինաթափումը, որը ենթադրում է Գազայում պատերազմը դադարեցնելու ԱՄՆ նախագահ Դոնալդ Թրամփի ծրագիրը: Այս մասին Reuters-ին տված հարցազրույցում հայտարարել է շարժման քաղբյուրոյի անդամ Մոհամեդ Նազզալը։
«Ես չեմ կարող պատասխանել ո՛չ «Այո»- ին, ո՛չ էլ «Ոչ»-ին զինաթափման մասին հարցին։ Անկեղծ ասած, դա կախված է նախագծի բնույթից: Ինչ է նշանակում զինաթափման նախագիծ, որի մասին դուք խոսում եք: Ում է հանձնվելու զենքը», - հարցեր է տվել Նազզալը՝ հավելելով, որ զենքը կօգնի ՀԱՄԱՍ-ին «պահպանել անվտանգության վերահսկողությունը» Գազայի հատվածում անցումային շրջանում:
Վերջինս ընդգծել է, որ զինաթափումը և այլ հարցեր, որոնք քննարկվելու են բանակցությունների հաջորդ փուլում, վերաբերում են ոչ միայն ՀԱՄԱՍ-ին, այլև Պաղեստինյան այլ զինված խմբավորումներին: Ուստի, նրա կարծիքով, միասնական դիրքորոշում մշակելու համար ավելի լայն քննարկում կպահանջվի։
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
