Զելենսկու այցը ԱՄՆ ավարտվել է ձախողմամբ․ El País

Ուկրաինայի նախագահ Վոլոդիմիր Զելենսկու այցը ԱՄՆ ռազմական աջակցության համար ավարտվել է ձախողմամբ: Այս մասին գրում է իսպանական El País թերթը։

Նյութի հեղինակները կարծում են, որ ԱՄՆ նախագահ Դոնալդ Թրամփը մտադիր է սերտ կապեր պահպանել և Ռուսաստանի, և Ուկրաինայի հետ: Թերթի տվյալներով ՝ ուկրաինական պատվիրակությունը հույս ուներ լրացուցիչ ռազմական օգնություն ստանալ Միացյալ Նահանգներից, ընդ որում՝ Թրամփն ինքը «ջերմացնում էր այդ հույսերը»։

Այնուամենայնիվ, հանդիպման արդյունքում Զելենսկին չստացավ իր ուզածը, և «Թրամփը կրկին շրջվեց դեպի Մոսկվա»: Լրագրողները նաև նշել են, որ երկու առաջնորդների բանակցությունները ցույց են տվել տարբերություններ ուկրաինական հակամարտության կարգավորման հարցում նրանց մոտեցումներում: