CNN․ Վաշինգտոնը քննարկում է Թրամփի և Կիմ Չեն Ընի հնարավոր հանդիպումը

ԱՄՆ նախագահ Դոնալդ Թրամփի վարչակազմը ուսումնասիրում է նրա և Հյուսիսային Կորեայի առաջնորդ Կիմ Չեն Ընի հանդիպման հնարավորությունը, հաղորդում է CNN-ը։

Ըստ աղբյուրների՝ հանդիպումը կարող է կայանալ Ասիայում՝ հոկտեմբերի վերջից նոյեմբերի սկիզբը նախատեսվող Թրամփի շրջագայության ընթացքում։ Սակայն քննարկումները դեռ նախնական փուլում են, և որևէ հստակություն չկա՝ արդյոք հանդիպումը տեղի կունենա։ Լոգիստիկ հարցերը չեն մշակվել, քանի որ Վաշինգտոնի և Փխենյանի միջև նախկին շփումները, որոնք կային Թրամփի առաջին նախագահության շրջանում, այժմ բացակայում են։

Նշվում է, որ այս տարվա սկզբին Թրամփի՝ Կիմ Չեն Ընին ուղղված պաշտոնական դիմումը մնացել է անպատասխան։ Ավելի վաղ Թրամփը հանդիպել էր Ուկրաինայի նախագահ Վլադիմիր Զելենսկու հետ, սակայն բանակցությունները, ըստ աղբյուրների, ավարտվել էին Կիևի պատվիրակության համար անհաջողությամբ։