Մախաչկալայի օդանավակայանում հակաիսրայելական ակցիայի կազմակերպիչը սպանվել է Թուրքիայում

Թուրքիայում սպանվել է Ռուսաստանի քաղաքացի և Դաղստանի բնակիչ Աբաքար Աբակարովը, որին Ռուսաստանի իրավապահ մարմինները համարում են Մախաչկալայի օդանավակայանում 2023 թվականի հոկտեմբերին տեղի ունեցած հակասեմական անկարգությունների կազմակերպիչներից մեկը։ Այս մասին հայտնում են ուսական տելեգրամյան ալիքները։

Ալիքի տեղեկացմամբ՝ 2023-ից նա գտնվել է դաշնային հետախուզման մեջ, այդ թվում Դաղստանի «Ույտաշ» օդանավակայանում զանգվածային անկարգություններ կազմակերպելու մեղադրանքով։

Աբակարովի դին հայտնաբերել են վարձակալված վիլլայում, Էյուփսուլթան շրջանում, որտեղ նա ապրում էր վերջին մի քանի օրերին։ Մաքրուհին նրան գտել է հյուրասենյակում՝ առանց կյանքի նշանների, արյան մեջ։ Մահվան պատճառն առայժմ պարզված չէ։ Տունը, որտեղ նա ապրել է, վարձակալվել էր հոկտեմբերի 6-ին, իսկ հոկտեմբերի 7-ին տեսախցիկներում երեւում է, թե ինչպես է այնտեղ զոհի հետ միասին մտել առայժմ անձը չպարզված մի տղամարդ։ Դուրս է եկել արդեն երկու պայուսակով։