Զելենսկին հայտարարել է բանակցությունների պատրաստակամության մասին

Ուկրաինայի նախագահը հայտարարել է տարածքների շուրջ բանակցություններ վարելու իր պատրաստակամության մասին՝ հիմնվելով շփման ներկայիս գծի վրա, և ընդգծել է ցանկացած ձևաչափով բանակցություններ վարելու իր պատրաստակամությունը, հաղորդում է NBC-ն։

«Մենք պետք է ավարտենք այս պատերազմը և սկսենք այս ավարտը այնտեղից, որտեղ տեղակայված են զորքերը։ Շփման գծից», - հայտարարեց Ուկրաինայի նախագահը։

Մինչ այդ, Զելենսկին հայտարարել էր , որ Վաշինգտոնում ԱՄՆ նախագահ Դոնալդ Թրամփի հետ հանդիպման ժամանակ ինքը բարձրացրել է Ուկրաինայի մասնակցության հարցը Բուդապեշտում ամերիկացի առաջնորդի և Ռուսաստանի նախագահ Վլադիմիր Պուտինի միջև կայանալիք բանակցություններին։

ԱՄՆ նախագահ Դոնալդ Թրամփի և Ուկրաինայի առաջնորդի հանդիպումը տեղի ունեցավ հոկտեմբերի 17-ին, որը երրորդն էր 2025 թվականի սկզբից ի վեր։ Բանակցություններից առաջ Սպիտակ տան գործող նախագահը երկար հեռախոսազրույց է ունեցել իր ռուս գործընկեր Վլադիմիր Պուտինի հետ, որի ընթացքում երկու առաջնորդները համաձայնել են հանդիպել Բուդապեշտում։ Այս ֆոնին Ուկրաինայում մտահոգություններ են առաջացել, որ Թրամփ-Պուտին բանակցությունները կարող են ազդել Կիևին ռազմական օգնության վերաբերյալ ԱՄՆ որոշումների վրա։