Բրիտանացի զինվորականները կխոցեն իրենց բազաներին սպառնացող դրոնները․ Telegraph

Մեծ Բրիտանիայում զինվորականներին թույլ կտան խոցել անօդաչու թռչող սարքեր, որոնք սպառնում են իրենց ռազմաբազաներին: Այս մասին գրում է Telegraph պարբերականը՝ հղում անելով իր աղբյուրներին։

«Զորքերին կտրվի նոր իրավունք՝ խոցել դրոններ, որոնք սպառնում են Մեծ Բրիտանիայի ռազմական բազաներին», - ասված է հոդվածում: Նախատեսվում է, որ այդ մասին հոկտեմբերի 20-ին պաշտոնապես կհայտարարի Մեծ Բրիտանիայի պաշտպանության նախարարության ղեկավար Ջոն Հիլին։

Պարբերականի զրուցակցի տվյալներով՝ թույլտվությունը վերաբերելու է միայն ռազմական օբյեկտներին։