Ինչ ազդեցություն է ունեցել Պուտինի և Թրամփի զրույցը ուկրաինական հակամարտության վրա․ Politico

ԱՄՆ նախագահ Դոնալդ Թրամփը Ռուսաստանի առաջնորդ Վլադիմիր Պուտինի հետ հեռախոսազրույցից հետոփոխել է իր դիրքորոշումը Ուկրաինայի հակամարտության վերաբերյալ, հաղորդում է Politico-ն՝ հղում անելով աղբյուրներին։

«Պարզվում է, որ մեկ հեռախոսազրույցով Պուտինը կրկին փոխել է նախագահ Թրամփի կարծիքը Ուկրաինայի վերաբերյալ», - նշվում է հոդվածում։

Հրապարակման համաձայն՝ Ռուսաստանի նախագահի հետ զրույցից հետո ամերիկացի առաջնորդը ուշադրությունը կենտրոնացրել է Ուկրաինային Tomahawk թևավոր հրթիռների հնարավոր մատակարարման քննարկումից այն մտքի վրա, որ Ուկրաինան պետք է տարածքային զիջումներ անի հակամարտությունը լուծելու համար։

Ավելի ուշ Reuters-ը հաղորդել է, որ Թրամփը հերքել է Ռուսաստանին հնարավոր տարածքային զիջումների մասին Ուկրաինայի հետ զրույցը։ Զելենսկու հետ հանդիպումից հետո արևմտյան լրատվամիջոցները հայտնել են, որ ամերիկյան կողմը պնդել է Դոնբասը զիջելու վրա։