Զախարովան մատնանշել է ԵՄ-ի «ակտիվ դիվերսիոն գործողությունները» Պուտին-Թրամփ հանդիպումը խափանելու համար

Եվրամիությունը սկսել է «ակտիվ դիվերսիոն գործողություններ» Բուդապեշտում նախագահներ Վլադիմիր Պուտինի և Դոնալդ Թրամփի միջև կայանալիք հանդիպումը խափանելու համար։ Այս մասին հայտարարել է Ռուսաստանի արտաքին գործերի նախարարության խոսնակ Մարիա Զախարովան ՏԱՍՍ-ին տված հարցազրույցում։

«Եվրամիությունը և ագրեսիվ արևմտաեվրոպական հանրությունը դիմել են ակտիվ, ինչպես իրենք են նախընտրում ասել, «դիվերսիոն գործողությունների»։ Նրանք կրկին սկսել են հայտարարություններ անել, սկսել են սպառնալիքներ հնչեցնել և այլն», - ասել է Զախարովան։

Նրա խոսքով՝ Մոսկվան տեսնում է, որ արևմտաեվրոպական հանրությունը, սնվելով ամերիկյան ուլտրալիբերալների հայացքներով, ցանկանում է խափանել ցանկացած խաղաղության ձգտում։ «Այս գործողությունները նպատակ ունեն սրել հակամարտությունը, ինչպես դա արեցին 2022 թվականին՝ խաղաղության բանակցությունների խափանման դեպքում»,-նշել է դիվանագետը։

«Դժվար է ասել, թե որքանով են նրանք նույնիսկ հասկանում, թե ինչ են անում՝ հաշվի առնելով, թե որքան շատ ոչ մասնագետներ են ղեկավարում այս բոլոր արևմտաեվրոպական երկրները, ովքեր մասնագետներ չեն կրթությամբ, փորձով կամ մասնագիտությամբ», - ասել է Զախարովան։