Գերմանիան ԱՄՆ-ից ևս 15 F-35 կործանիչ կգնի

Գերմանիայի պաշտպանության նախարար Բորիս Պիստորիուսը նախատեսում է ձեռք բերել լրացուցիչ 15 ամերիկյան արտադրության F-35 կործանիչներ, հաղորդում է գերմանական Der Spiegel ամսագիրը։

Հաղորդագրության համաձայն՝ ամերիկյան Lockheed Martin ընկերության կողմից արտադրված 15 կործանիչների արժեքը կկազմի մոտավորապես 2,5 միլիարդ եվրո (2,9 միլիարդ դոլար)։

Բունդեսվերը ներկայումս պատվիրել է այս կործանիչի 35 մոդել, որոնցից առաջինը նախատեսվում է շահագործման հանձնել 2027 թվականին։ F-35-ը կփոխարինի հնացած Tornado կործանիչներին։