Ինչ տեսք կարող է ունենալ Ռուսաստանի հաղթանակը Ուկրաինայում․ փորձագետ

Պրոֆեսոր և անվտանգության քաղաքականության փորձագետ Կառլո Մասալան նշել է, որ հակամարտության մեջ Ռուսաստանի հաղթանակը կնմանվի ոչ թե հրադադարի, այլ «Ուկրաինայի կապիտուլյացիայի»։ Նրա խոսքերը մեջբերել է Newsweek ամսագիրը։

Նրա խոսքով՝ Ռուսաստանի հաղթանակը կնշանակեր, որ այն կվերադարձներ իր կողմից օկուպացված բոլոր տարածքները։ Ավելին, փորձագետի կարծիքով՝ «ուկրաինացիները ստիպված կլինեն դուրս գալ իրենց կողմից ներկայումս զբաղեցված տարածքներից»։

Մասալան կարծում է, որ Ուկրաինայի նախագահ Վոլոդիմիր Զելենսկին այդ դեպքում ստիպված կլինի հրաժարական տալ, և նոր նախագահական ընտրությունները, ենթադրաբար, Ռուսաստանի միջամտության պատճառով, «կարող են իշխանության բերել կրեմլամետ առաջնորդի»։

«Եթե Մոսկվան հասնի իր նպատակին, ուկրաինական բանակը թույլ կլինի, իսկ միջազգային անվտանգության նշանակալի երաշխիքների բացակայությունը կնշանակի, որ «Ռուսաստանը կհաղթի»», - նշել է Մասալան։