«Радиостанция Судного дня»-ի եթերում փոխանցել է նոր գաղտնագրային հաղորդագրություն՝ «Դոն Կիխոտ» անունով

Ռուսական կարճալիք ռադիոկայան УВБ-76, որը հայտնի է որպես «Радиостанция Судного дня», կրկին եթերում է հայտնվել խորհրդավոր հաղորդագրությամբ։ Հոկտեմբերի 20-ին, Մոսկվայի ժամանակով 13:26-ին, ռադիոկայանի ալիքով հնչել է նոր կոդավորված հաղորդագրություն, որում հնչել է «Դոն Կիխոտ» անունը։

Նմանատիպ հաղորդագրություն նույն բառով առաջին անգամ եթերում էր հայտնվել 2022 թվականի փետրվարի 14-ին։ Վերջին ամիսներին կայանը մի քանի անգամ կրկնել է հին հաղորդագրությունները՝ պահպանելով դրանց նախորդ ժամանակային ընդմիջումները։ Օգոստոսին և հոկտեմբերին նույնպես հնչել էին նախկինում արձանագրված բառեր՝ «նարդոսաժ», «պուլոլեդ» և «օրեխոբրուս»։

УВБ-76-ը գործում է դեռ 1976 թվականից և հայտնի է իր անընդհատ «զզզացող» ձայնով։ Կայանի հաղորդագրությունները սովորաբար պարունակում են թվեր, կոդեր կամ անուններ, որոնք բազմաթիվ ռադիոների սիրահարներ կապում են աշխարհաքաղաքական իրադարձությունների կամ ռազմական շտապ ազդարարման համակարգերի հետ։ Ռոսկոմնադզորը ավելի վաղ հայտարարել էր, որ տվյալ հաճախականության գործունեության մասին տեղեկությունները հանրության համար հասանելի չեն։