Լավրովն ու Ռուբիոն կքննարկեն Ուկրաինայի հարցը և Արևմուտքի ռազմական աջակցությունը Կիևին

Ռուսաստանի և ԱՄՆ-ի արտաքին քաղաքական գերատեսչությունների ղեկավարները՝ Սերգեյ Լավրովն ու Մարկո Ռուբիոն, առաջիկա հանդիպման ընթացքում կքննարկեն Ուկրաինայի շուրջ իրավիճակը և Արևմուտքի ռազմական աջակցությունը Կիևին։ Այս մասին հայտնել է ՌԴ ԱԳ նախարարի տեղակալ Սերգեյ Ռյաբկովը՝ նշելով, որ այդ թեմաներ պարզապես չեն կարող անտեսվել։

«Իհարկե, կքննարկվի ինչպես հատուկ ռազմական գործողության թեման, այնպես էլ Արևմուտքի այն գիծը, որով նրանք աջակցում են Ուկրաինային։ Սա մեզ չի կարող բավարարել», — ասել է Ռյաբկովը՝ ընդգծելով, որ Ռուսաստանի դիրքորոշումը մնում է անփոփոխ։

Հանդիպման ճշգրիտ ամսաթիվը դեռ չի հայտարարվել, սակայն Մոսկվայի և Վաշինգտոնի միջև դիվանագիտական շփումները շարունակվում են՝ ուղղված միջազգային ճգնաժամերի և անվտանգության հարցերի քննարկմանը։