Պուտինը հետաքրքրվել է հիփոթեքային շուկայի 20% կրճատման կանխատեսմամբ

Ռուսաստանի նախագահ Վլադիմիր Պուտինը ուշադրությամբ ուսումնասիրել է պետական «ДОМ.РФ» ընկերության հաշվարկները, ըստ որոնց՝ 2025 թվականի արդյունքներով հիփոթեքային վարկավորման ծավալը կարող է նվազել մոտ 20 տոկոսով։ Այդ թեմայով նա հարց է ուղղել ընկերության գլխավոր տնօրեն Վիտալի Մուտկոյին՝ տեղեկացնում է ТАСС-ը։

«Վիտալի Լեոնտևիչ, ես նայեցի ձեր փաստաթղթերը։ Դուք համարում եք, որ հիփոթեքը կնվազի 20 տոկոսով, բայց գումարային շրջանառությունը՝ ոչ։ Ինչպե՞ս է դա հնարավոր», — հետաքրքրվել է Պուտինը։

Մուտկոյի խոսքով՝ պատճառը շուկայի կառուցվածքային փոփոխություններն են․ եթե նախորդ տարիներին բնակարանների 80–90 տոկոսը գնվում էր հիփոթեքով, ապա այժմ այդ ցուցանիշը նվազել է մինչև 65 տոկոս, իսկ մնացած 35 տոկոսը քաղաքացիները վճարում են սեփական միջոցներով։