Կրեմլը արձագանքել է Պուտին-Թրամփ գագաթնաժողովի հետաձգման մասին հաղորդագրություններին

Ռուսաստանի և ԱՄՆ նախագահները Հունգարիայի մայրաքաղաք Բուդապեշտում կայանալիք հանդիպման ճշգրիտ ամսաթիվ չեն նշանակել։ Այս մասին լրագրողների հետ ճեպազրույցում հայտարարել է Ռուսաստանի նախագահի մամուլի քարտուղար Դմիտրի Պեսկովը։

«Չի կարելի հետաձգել այն, ինչը նախատեսված չէ», - ընդգծել է նա։

Պեսկովի խոսքով՝ Վլադիմիր Պուտինի և Դոնալդ Թրամփի միջև Բուդապեշտում կայանալիք գագաթնաժողովի համար սկզբնապես ճշգրիտ ամսաթիվ չի նշանակվել։