ՌԴ Պետդուման պատրաստվում է հաստատել տարվա ընթացքում շարունակական զորակոչի օրենքը

ՌԴ Պետդուման կարող է հոկտեմբերի 28-ին քննարկել օրենքի նախագիծը, որը նախատեսում է զորակոչ իրականացնել ողջ տարվա ընթացքում։ Այս մասին հայտնել է Պետդումայի պաշտպանության կոմիտեի ղեկավար Անդրեյ Կարտապոլովը՝ նշելով, որ նախաձեռնությունը արդեն անցել է առաջին ընթերցումը։

Նախագիծը ներկայացվել էր դեռևս հուլիսին և առաջին ընթերցմամբ ընդունվել սեպտեմբերի 24-ին։ Այն առաջարկում է վերացնել գարնանային և աշնանային զորակոչերի բաժանումը՝ անցկացնելով զորակոչային գործընթացը 12 ամիս շարունակ։

Կարտապոլովի խոսքով՝ այս փոփոխությունը թույլ կտա հավասարաչափ բաշխել ծանրաբեռնվածությունը զորակոչային հանձնաժողովների վրա և բարձրացնել զորակոչի կազմակերպման որակը, գրում է Lenta.ru-ն։