Առաջնահերթությունը հրադադարն է, այլ ոչ թե տարածքները․ Թրամփը՝ Զելենսկուն․ WSJ

ԱՄՆ նախագահ Դոնալդ Թրամփն իր ուկրաինացի գործընկեր Վոլոդիմիր Զելենսկու հետ հանդիպման ժամանակ  հրաժարվել է նայել ուկրաինական պատվիրակության կողմից բերված մարտադաշտի քարտեզներին։ Այս մասին հաղորդում է The Wall Street Journal-ը՝ հղում անելով ամերիկացի, եվրոպացի և ուկրաինացի պաշտոնյաներին։

Ավելին, Սպիտակ տան ղեկավարը Զելենսկուն ասել է, որ իր առաջնահերթությունը «պատերազմի ավարտն» է։ Հրատարակության համաձայն՝ ԱՄՆ նախագահը հստակեցրել է, որ ինքը որևէ արդյունքի դեպքում չի հետաքրքրվում տարածքային խնդրով։

Թրամփը նաև Ուկրաինայի առաջնորդին ասել է, որ Կիևը չպետք է ակնկալի հեռահար Tomahawk հրթիռներ  ստանալ։