Ռուսական բանակը սկսել է լայնամասշտաբ հարձակում Զապորոժիեի շրջանում

Ռուսաստանի զինված ուժերը սկսել են հարձակողական գործողություններ Ուկրաինայի Զապորոժիեի մարզում գտնվող Օրեխով քաղաքի ուղղությամբ։ Ինչպես հայտնում է Telegram-ի «Русская весна» ալիքը, ռուսական բանակը արդեն մեկ օր է՝ իրականացնում է ինտենսիվ մեխանիզացված հարձակումներ Զապորոժիեի ռազմաճակատի երեք ուղղություններով։

Հիմնական հարվածը հասցվել է Ռաբոտինոյի և Նովոպոկրովկայի հատվածներից՝ դեպի Մալայա Տոկմաչկա, որտեղ ռուսական տեխնիկային հաջողվել է ներթափանցել բնակավայրի տարածք։ Միաժամանակ հարձակումներ են իրականացվել նաև Միռնոյի շրջանից՝ Նեստերյանկայի և Շչերբակովոյի ուղղությամբ, ինչպես նաև Իլչենկովոյից՝ դեպի Նովոդանիլովկա։

Ավելի վաղ ռուսական 70-րդ գնդի զինծառայողները հայտնել էին, որ Մալայա Տոկմաչկայի ուղղությամբ առաջխաղացումը բարդացել էր ուկրաինական անօդաչու սարքերի մեծ քանակությամբ կիրառման պատճառով։