Երբ կհանդիպեն Լավրովն ու Ռուբիոն․ FT

Ռուսաստանի արտգործնախարար Սերգեյ Լավրովի և ԱՄՆ պետքարտուղար Մարկո Ռուբիոյի հանդիպումը կարող է տեղի ունենալ հոկտեմբերի 30-ին: Այս մասին հայտնում է The Financial Times թերթը՝ հղում անելով իր աղբյուրներին։

«Ռուսաստանի և ԱՄՆ-ի արտաքին քաղաքական գերատեսչությունների ղեկավարները, ինչպես սպասվում է, Բուդապեշտ կժամանեն հոկտեմբերի 30-ին», - պարբերականը փոխանցում է գերմանացի պաշտոնյայի խոսքը:

Աղբյուրի խոսքով՝ եվրոպացիների շրջանում «ակնկալիք» կա, որ Հունգարիայի վարչապետ Վիկտոր Օրբանը կներկայացնի իր ծրագրերը նախագահներ Վլադիմիր Պուտինի և Դոնալդ Թրամփի գագաթնաժողովից առաջ, ներառյալ՝ եվրոպացի ներկայացուցիչների հավանական հանդիպումը Սպիտակ տան ղեկավարի հետ: Պաշտոնյան, սակայն, նշել է, որ այս պահին այդ տեղեկության ոչ մի հաստատում չկա։