Ռոսկոմնաձորը հերքել է WhatsApp-ում և Telegram-ում զանգերի վերականգնման լուրերը

Ռուսաստանի կապի վերահսկող մարմինը՝ Ռոսկոմնաձորը, հերքել է տեղեկությունները, թե Ռուսաստանում վերացվել են զանգերի սահմանափակումները WhatsApp և Telegram հավելվածներում։ Այդ մասին հաղորդում է РИА Новости-ն։

Վարչությունը հայտնել է, որ չի ընդունել որևէ որոշում այս մեսենջերների միջոցով ձայնային կամ տեսազանգերի արգելքները հանելու վերաբերյալ։

Ավելի վաղ սոցիալական ցանցերում տարածվել էին հրապարակումներ, թե Ռուսաստանում վերսկսվել են WhatsApp-ի և Telegram-ի զանգերը, սակայն պաշտոնական աղբյուրները հաստատել են, որ այս տեղեկությունները չեն համապատասխանում իրականությանը։