Երկու բարձրաստիճան ռոսգվարդիացիներ ձերբակալվել են կաշառակերության մեղադրանքով

Ռուսաստանի քննչական կոմիտեն հայտնել է, որ Նիժնի Նովգորոդի մարզում Ռոսգվարդիայի արտաքին անվտանգության վարչության ղեկավարն ու բաժնի պետը մեղադրվում են կաշառակերության մեջ։ Նրանց ձերբակալել են ՌԴ Անվտանգության դաշնային ծառայության (ՖՍԲ) աշխատակիցները, իսկ տներում և աշխատասենյակներում կատարված խուզարկությունների ընթացքում հայտնաբերվել են թղթադրամների մեծ փաթեթներ, հայտնում է Lenta.ru-ն։

Քննչական տվյալներով՝ 2024 թվականի օգոստոսից մինչև 2025 թվականի հոկտեմբեր ընկած ժամանակահատվածում պաշտոնյաները ստացել են ավելի քան երկու միլիոն ռուբլի կաշառք՝ անվտանգության և հրդեհային ազդանշանների արտադրող ընկերության ներկայացուցչից։ Դրա դիմաց նրանք պետք է անցկացնեին ոչ պլանավորված ստուգումներ մասնավոր կազմակերպություններում, հայտնաբերեին «խախտումներ» և պարտադրեին այդ նույն ընկերության ծառայությունները։

Նրանց նկատմամբ հարուցվել է քրեական գործ, և այժմ որոշվում է խափանման միջոցի ընտրության հարցը։ Ավելի վաղ Մոսկվայի գարնիզոնային դատարանը երեք տարվա ազատազրկման էր դատապարտել Ռոսգվարդիայի մեկ այլ պաշտոնյայի՝ պետական գնումների ոլորտում յուրացման գործով։