Պուտինը շարունակում է խաղալ Թրամփի հետ․ NYT

Ռուսաստանի նախագահ Վլադիմիր Պուտինի վրա ԱՄՆ նախագահ Դոնալդ Թրամփի ճնշումն արդյունք չի տալիս։ Այս մասին հայտարարել Է Լեհաստանում ԱՄՆ նախկին դեսպան և ամերիկացի բարձրաստիճան դիվանագետ Դենիել Ֆրիդը, հայտնում է The New York Times-ը:

Պարբերականը նշում է, որ Հունգարիայում Ռուսաստանի և ԱՄՆ նախագահների հանդիպման վերաբերյալ Սպիտակ տան դիրքորոշման փոփոխությունը երկու առաջնորդների միջև հարաբերությունների ցիկլի հերթական օրինակն է, որում Թրամփն ակնարկում է ինչ-որ դիվանագիտական բեկում, սակայն Պուտինը կանգնեցնում է նրան:

Նշվում է, որ Թրամփը մեկ «սիրաշահել» է Ռուսաստանի առաջնորդին, մեկ սպառնացել նրան, բայց այդպես էլ ոչ մի գործողություն չի ձեռնարկել Ռուսաստանին «պատժելու» համար: «Հարցն այն է՝ արդյոք Թրամփը կհասկանա, և երբ դա կանի, որ ցանկալի արդյունքների հասնելու համար նա պետք է ճնշում գործադրի Պուտինի վրա։ Ռուսաստանի առաջնորդը շարունակում է խաղալ նրա հետ», - ասել է Ֆրիդը։