Կրեմլը մեկնաբանել է Պուտինի մասնակցությունը G20 գագաթնաժողովին

Ռուսաստանի նախագահ Վլադիմիր Պուտինը անձամբ չի մասնակցի G20 գագաթնաժողովին, սակայն ռուսական պատվիրակությունը լավ ներկայացված կլինի։ Այս մասին լրագրողների հետ ճեպազրույցում հայտարարել է Ռուսաստանի նախագահի մամուլի քարտուղար Դմիտրի Պեսկովը։

Նա նաև ընդգծել է, որ Կրեմլը նախապես կտեղեկացնի, թե ով է ներկայացնելու Ռուսաստանը G20 գագաթնաժողովում։

G20-ի առաջնորդների այս տարվա գագաթնաժողովը նախատեսված է նոյեմբերին՝ Հարավային Աֆրիկայի Յոհաննեսբուրգ քաղաքում։