Ռուսները կստանան արագ հասանելիություն ասիական խաղերին

Ռուսաստանում կբացվի արագ ուղի ասիական խաղերի ներբեռնման համար։ VK Cloud և RuStore հարթակները գործարկել են նոր աջակցման ծրագիր, որը նախատեսված է Ասիայի երկրներից՝ հիմնականում Չինաստանից և Վիետնամից եկող գեյմդև ընկերությունների համար։ Ծրագրի նպատակն է ապահովել արագ և կայուն հասանելիություն նրանց խաղերին Ռուսաստանի օգտատերերի համար։

Ըստ «Лента.ру»-ի, նախաձեռնության շրջանակում ասիական խաղերի հրատարակիչներին (publishers) կառաջարկվեն հատուկ պայմաններ VK Cloud-ի ամպային հարթակի օգտագործման համար, ինչպես նաև լրացուցիչ աջակցություն RuStore-ից։ Նախաձեռնության նպատակը՝ օտարերկրյա գեյմդև ընկերությունների մուտքը ռուսական շուկա արագացնելն է և տեխնոլոգիական խոչընդոտները նվազեցնելը։

RuStore-ի բիզնես զարգացման տնօրեն Իլյա Ուլյանովը նշել է, որ ծրագիրը կնվազեցնի արտասահմանյան ընկերությունների ծախսերը և կապահովի նրանց նախագծերի կայուն աշխատանքը։ Իսկ VK Cloud-ի արտադրանքի տնօրեն Դմիտրի Լազարենկոն ընդգծել է, որ հարթակը պատրաստ է օժանդակել բոլոր օտարերկրյա գեյմդև ընկերություններին՝ նրանց խաղերը ռուսական շուկա ներկայացնելու առանց լրացուցիչ ռիսկերի։