Ռեշետովան նշել է մի կարևոր հատկանիշ, որը կցանկանար տեսնել իր և Տիմատիի որդու մեջ

Անաստասիա Ռեշետովան խոստովանել է, որ կցանկանար տեսնել իր և Տիմատիի որդու մեջ խորաթափանցություն։ Մոդելը վստահ է, որ դա մարդկային ամենակարևոր հատկանիշներից մեկն է։

«Ես կարծում եմ, որ ունակությունն ըմբռնելու թաքնված իմաստները և կապեր հաստատելու տարբեր երևույթների միջև, ունենալու խորքային ըմբռնում՝ ավելի խորը, քան սովորական, ինչն ամենին հասանելի չէ՝ ահա թե ինչն է իսկապես կարևոր և զարմանալի», – գրել է նա իր անձնական Telegram-ալիքում։

Անաստասիան նաև պատմել է, որ արդեն հիմա կարող է 6-ամյա Ռատմիրի հետ խոսել չափահասների թեմաներով։ Նա զգում է, որ տղան լսում է իրեն և հասկանում։ Այսպիսի փոխըմբռնման պատճառը նա տեսնում է գեներում կամ սիրով դաստիարակության մեջ։ Ռատմիրն ինքը ևս հաճախ է սկսում լուրջ զրույցներ մոր հետ։ Օրինակ, օրերս նա հարցրել է.

«Մամ, իսկ ինչու՞ է այս կյանքում ամեն ինչ մի օր ավարտվում։ Ինչու՞ ամեն ինչ վերջ ունի, մամ։ Արևը մայր է մտնում, աշունը դառնում է ձմեռ, պաղպաղակը հալվում է կամ ինչ-որ մեկը ուտում է, մեքենայի բենզինը սպառվում է, գումարներն ու մարդու երիտասարդությունն էլ են վերջանում»։

Մայրը պատասխանել է՝

«Ճիշտ ես, Ռատյուշա։ Եվ մարդու կյանքի գլխավոր դասերից մեկը այն է, որ հասկանաս ու ընդունես՝ այս կյանքում ոչինչ հավերժ չէ։ Ամեն ինչ ժամանակավոր է, և պետք է կարողանաս ուրախանալ ներկայով՝ այստեղ և այժմ»։

Ի դեպ, հիմա Ռեշետովան որդու հետ հանգստանում է Դուբայում։ Նա պատմել է, որ որոշել է երեխային տանել հանգստի մինչև արձակուրդների սկսվելը, քանի որ նա զգացել է հուզական և ֆիզիկական ծանրաբեռնվածություն։ Դուբայում էլ նշել են Ռատմիրի 6-ամյակը։

Թարգմանությունը՝ Lurer.com-ի