Որն է Հունգարիայում կայանալիք Պուտին-Թրամփ հանդիպման չեղարկման հնարավոր պատճառը․ Telegraph

Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև Հունգարիայում կայանալիք գագաթնաժողովը չեղարկվել է երկու երկրների արտաքին գործերի նախարարներ Սերգեյ Լավրովի և Մարկո Ռուբիոյի միջև լարված հեռախոսազրույցից հետո, հաղորդում է The Telegraph-ը։

Հոդվածում պարզաբանվել է, որ ռուս և ամերիկացի դիվանագետները զրուցել են հոկտեմբերի 20-ին։ Լրագրողների խոսքով՝ նրանց զրույցը «ձախողվել է»։ Հոդվածի հեղինակները ենթադրել են, որ Լավրովը, հնարավոր է, զրույցի ընթացքում Ռուբիոյին տեղեկացրել է, որ Մոսկվան համաձայն չէ ներկայիս առաջնագծի երկայնքով հակամարտությունը սառեցնելու առաջարկի հետ։

Հոկտեմբերի 16-ին Պուտինը և Թրամփը հեռախոսազրույց են ունեցել, որի ընթացքում նրանք համաձայնվել են անձամբ հանդիպել Հունգարիայում։ Կրեմլը պարզաբանել է, որ բանակցությունները կարող են տեղի ունենալ երկու շաբաթվա ընթացքում կամ ավելի ուշ։