Պետդումայում հայտարարել են, որ նավթագազային պատժամիջոցները այլևս չեն վնասում Ռուսաստանի տնտեսությանը

Ռուսաստանի Պետդումայի բյուջետային կոմիտեի ղեկավար Անդրեյ Մակարովը հայտարարել է, որ Արևմուտքի սահմանած սահմանափակումները նավթագազային ոլորտում այլևս էական ազդեցություն չեն ունենում ազգային տնտեսության վրա։ Նրա խոսքերով՝ Ռուսաստանը «սահել է նավթային ասեղից» և շարունակում է աճեցնել եկամուտները՝ անկախ պատժամիջոցներից, գրում են Ведомости-ն։

Միաժամանակ Մակարովը նշել է, որ երկիրը պետք է պատրաստ լինի ցանկացած զարգացման։ Վերջին տվյալներով՝ սեպտեմբերին դաշնային բյուջեի նավթագազային եկամուտները կազմել են 582,5 միլիարդ ռուբլի, ինչը 25%-ով պակաս է նախորդ տարվա նույն ժամանակահատվածից, սակայն ավելի բարձր է, քան օգոստոսին։ Ընդհանուր հաշվով՝ տարվա առաջին ինը ամիսներին եկամուտները նվազել են շուրջ 20,6%-ով։

Մակարովը հավելել է, որ առաջիկա տարում Պետդուման ուժեղացնելու է բյուջետային վերահսկողությունը՝ ապահովելու պետական միջոցների արդյունավետ օգտագործումը։ Այս ֆոնին ռուսական Urals նավթի գինը սեպտեմբերի վերջին անկել է մինչև 47,4 դոլար մեկ բարելի դիմաց, ինչը ցածր է ԵՄ սահմանած նոր գնային շեմից՝ 47,6 դոլար։