Գիտնականները նախազգուշացնում են․ առաջին սերնդի հակահիստամինները կարող են վտանգավոր լինել տարեցների համար

Կանադայի Տորոնտոյի համալսարանի գիտնականները պարզել են, որ առաջին սերնդի հակահիստամինային դեղերը, այդ թվում՝ դիմեդրոլը, կարող են ավելացնել տարեց հիվանդների մոտ դելիրիումի և հիշողության խանգարումների ռիսկը։ Հետազոտությունը հրապարակվել է Journal of the American Geriatrics Society-ում։

Գիտնականները վերլուծել են 65 տարեկանից բարձր ավելի քան 328 հազար հիվանդների տվյալներ Կանադայի 17 հիվանդանոցներից։ Պարզվել է, որ այն բժիշկները, ովքեր հաճախ են նշանակում նման դեղեր, իրենց պացիենտների մոտ դելիրիում են արձանագրել 41 տոկոսով ավելի հաճախ, քան նրանք, ովքեր հազվադեպ են կիրառել այդ բուժումը։

Հետազոտության հեղինակները զգուշացնում են, որ այս դեղերը՝ իրենց նյարդամաշեցնող (սեդատիվ) ազդեցության պատճառով, կարող են առաջացնել գիտակցության խառնաշփոթ և սուր ուղեղային խանգարումներ, հատկապես թույլ առողջական վիճակ ունեցող տարեցների մոտ։ Գիտնականները կոչ են անում բժիշկներին փնտրել անվտանգ այլընտրանքներ, որպեսզի կանխեն կոգնիտիվ անկման և թուլամտության վտանգը։