Հյուսիսային Եվրոպայի երկրները պայմանավորվել են միասին գնել անօդաչու թռչող սարքեր

Դանիան, Նորվեգիան, Ֆինլանդիան և Շվեդիան ստորագրել են պայմանագիր անօդաչու թռչող սարքերի (ԲՊԼԱ) համատեղ գնումների վերաբերյալ, հայտնում է Ֆինլանդիայի պաշտպանության նախարարությունը։ Փաստաթուղթը ստորագրվել է Հելսինկիում։

Ֆինլանդիայի պաշտպանության նախարար Անտտի Հյակյանենը նշել է, որ այս համագործակցությունը կօգնի զարգացնել երկրների արտադրական ներուժը և կօպտիմալացնի ծախսերը՝ ռազմական տեխնիկայի և սարքավորումների ձեռքբերման ոլորտում։ Բացի գնումներից, երկրները նախատեսում են համատեղ աշխատել նոր տեխնոլոգիաների մշակման, ուսուցման ծրագրերի կազմակերպման և փորձի փոխանակման ուղղությամբ։

Ավելի վաղ Եվրահանձնաժողովը վերանայել էր իր պլանը՝ Արևելյան Եվրոպայում ստեղծել «դրոնների պատ» և որոշել էր ընդլայնել նախաձեռնությունը՝ ընդգրկելով ողջ մայրցամաքը։ Այդ գաղափարը կընդգրկվի ԵՄ պաշտպանության ոլորտի նոր «ճանապարհային քարտեզում», գրում է Lenta.ru-ն։