Մարսում կա՞ն սառույցի շերտեր

Գիտնականները ենթադրում են, որ միլիոնավոր տարիներ առաջ Մարսի վրա տեղի ունեցած հզոր հրաբխային պայթյունները կարող էին հսկայական քանակությամբ ջրային գոլորշիներ արտանետել մթնոլորտ, որոնք հետո սառել և կուտակվել են սառույցի տեսքով՝ նույնիսկ հասարակածի մոտ։

Մինչ այժմ Մարսի սառույցը հիմնականում հայտնաբերվել է բևեռներում, սակայն NASA-ի և Եվրոպական տիեզերական գործակալության արբանյակները վերջերս ֆիքսել են հիդրոգենի բարձր մակարդակներ Մարսի հասարակածի շրջանում՝ մատնանշելով հնարավոր թաքնված սառույց։

Արիզոնայի համալսարանի գիտնական Սաիրա Համիդի ղեկավարած թիմը մոդելավորել է այն հրաբխային պայթյունները, որոնք տեղի են ունեցել մոտ 3-4 միլիարդ տարի առաջ։ Արդյունքները ցույց են տվել, որ ընդամենը մեկ եռօրյա ժայթքումը կարող էր առաջացնել մինչև 5 մետր հաստությամբ սառույցի շերտեր։ Եթե այս ենթադրյալ սառույցը իսկապես գոյություն ունի, այն կարող է դառնալ կարևոր ռեսուրս ապագա մարսագնացների համար։