Շվեյցարիան սահմանափակել է ուկրաինացի փախստականների մեկնումը դեպի հայրենիք

Շվեյցարիայի իշխանությունները սահմանափակել են երկրում հատուկ պաշտպանության կարգավիճակ ունեցող ուկրաինացի փախստականների ՝ իրենց հայրենիք մեկնելու հնարավորությունը, հայտարարել է Միգրացիայի պետական քարտուղարությունը (SEM)։

Հոկտեմբերի 22-ից սկսած՝ Շվեյցարիայում ապաստան ստացած այլ երկրների քաղաքացիները կկարողանան արտասահման մեկնել միայն բացառիկ դեպքերում։ Սա վերաբերում է ոչ միայն այն երկրին, որտեղից նրանք եկել են, այլև ցանկացած այլ երկրի։

Սակայն փոփոխությունը լիովին չի վերաբերում S տիպի պաշտպանիչ կարգավիճակ ունեցող ուկրաինացիներին։ Նրանց Ուկրաինայում մնալը կսահմանափակվի վեց ամսվա ընթացքում 15 օրով։ Նախկինում Ուկրաինայի քաղաքացիները կարող էին իրենց հայրենիքում մնալ եռամսյակը մեկ 15 օր։

Նախկինում Շվեյցարիայի իշխանությունները ուկրաինացի փախստականների համար S պաշտպանության կարգավիճակը երկարաձգել էին մինչև 2027 թվականի մարտը։ Դրանից հետո շվեյցարական կուսակցություններից մեկը կոչ էր արել չեղարկել ուկրաինացի փախստականների համար այս պաշտպանության կարգավիճակը։ Խնդրանքում նշվում է այս պաշտպանության չարաշահումների դեմ «պայքարելու» անհրաժեշտությունը, այդ թվում՝ նման անձանց կողմից Ուկրաինա «զբոսաշրջային ճանապարհորդությունների» սահմանափակումը։