Նոր վարկած՝ Չելյաբինսկի մարզի գործարանում տեղի ունեցած պայթյունի մասին

Չելյաբինսկի մարզի Կոպեյսկ քաղաքի գործարանում տեղի ունեցած հզոր պայթյունի հնարավոր պատճառը կարող էր լինել զինամթերքի դետոնացիան։ Այս վարկածը հրապարակել է RT-ն՝ հղում անելով իր աղբյուրներին։

Ըստ տեղեկությունների՝ գործարանը պատկանում է պաշտպանական ոլորտին․ այնտեղ պահվում է զենք և կիրառվում են պայթուցիկ նյութեր արտադրական գործընթացում։ Փրկարարներն ու ուժային կառույցների ներկայացուցիչները դեռ չեն կարողացել հասնել պայթյունի կենտրոնին, ինչի պատճառով պատճառների հստակ պարզաբանումը դեռ շարունակվում է։ Տեղում իրականացվում են մաքրման և ականազերծման աշխատանքներ։

Նախնական տվյալներով՝ առանց կապի է 12 մարդ, որոնք եղել են հենց պայթյունի էպիկենտրոնում։ Պայթյունը գրանցվել է հոկտեմբերի 22-ի երեկոյան։ Նախնական վարկածով պատճառը եղել է անվտանգության կանոնների խախտումը արտադրական գործընթացում։ Դեպքի առթիվ հարուցվել է քրեական գործ, իսկ վիրավորների թիվը հասնում է 19-ի։